მადრიდის "რეალის" მთავარი ამოცანა როგორც ჩანს, ობამეიანგის გადმობირებაა.

სხვადასხვა საინფორმაციო წყარო იტყობინებოდა, რომ ზინედინ ზიდანმა ალვარო მორატას დაბრუნება მოისურვა და ამასთან დაკავშირებით, ფლორენტინო პერესთან ხშირად გადიოდა კონსულტაციებს. დღეს კი სპორტული გამომცემლობა Goal იტყობინება, რომ სამეფო კლუბის პრეზიდენტს სულ სხვა გეგმები აქვს.

საქმე იმაშია, რომ "დონ პერესს" ობამეიანგის გაფორმება სურს და იგი ამ გარიგებისთვის ალვარო მორატასაც დათმობს და თანხასაც დაამატებს. ყველაზე საინტერესო კი ის არის, რომ "დორტმუნდის" ხელმძღვანელობას მოცემული პირობები აკმაყოფილებს და ისინი მზად არიან, ხელშეკრულების დასადებად.

Goal.com