მადრიდის „რეალის“ კიპერი, კეილორ ნავასი მსოფლიო ფეხბურთის ზღვარზეა...

რაც არ უნდა გასაოცარი იყოს, კოსტა-რიკელ კიპერს მიმდინარე სეზონში გოლი საერთოდ არ გაუშვია.

ამასთანავე უნდა აღინიშნოს, რომ კეილორი წინა სეზონის შეხვედრებშიც არ უშვებდა და მას ჯამში უკვე 720 წუთია, საკუთარ კარში გოლი არ მიუღია.

მადრიდის „რეალის“ კარის დარაჯმა უკვე გააუმჯობესა ლეგენდარული ჰოლანდიელი მეკარის, ედვინ ვან დერ საარის რეკორდი, წინ კი იენს ლემანის მაჩვენებელია, რომელიც 2006 წელს დაფიქსირდა. გერმანელმა მეკარემ კარი მშრალად 853 წუთის მანძილზე შეინახა.

ნავასს სჭირდბა 133 წუთი იმისათვის, რომ საოცრება მოახდინოს, ამისთვის კი მას „ვოლგსბურგ არენაზე“ გოლი არ უნდა გაუტანონ, „ბერნაბეუზე“ კი პირველ ტაიმში კარი მშრალად უნდა შეინახოს.

კეილორი სერიოზული ამოცანის წინაშე დგას, მაგრამ შეუძლებელი არაფერია. „რეალის“ კარის დარაჯმა მართლაც საოცარი შედეგი გამოაცხო.