სერხიო რამოსის წითელ ბარათს „ნოუ კამპზე“ გამარჯვების შემდეგ ალბათ არავის იხსენებს, მაგრამ აღსანიშნავია, რომ ზიდანს მომდევნო ტურში პრობლემები ექმნება...

მადრიდის „რეალს“ რაფაელ ვარანი გამოაკლდა. ფრანგმა ფეხბურთელმა სანაკრებო ბატალიებზე ტკივილები იგრძნო, სამედიცინო შემოწმების შედეგად კი დადგინდა, რომ მას მკურნალობა ესაჭიროება. რაფაელის დაბრუნების დრო ჯერ-ჯერობით უცნობია.

რამოსისა და ვარანის არყოფნაში შანსი ნაჩო ფერნანდესს მიეცემა, რომელიც კეპლერ პეპეს უნდა შეუწყვილდეს.

„ვოლფსბურგთან“ შეხვედრაში რამოსი საქმეში იქნება, ვინაიდან ის შეხვედრა ჩემპიონთა ლიგის ეგიდით გაიმართება, 9 აპრილს, „ეიბარის“ წინააღმდეგ კი „მერენგებს“ დაცვის ხაზში ცვლილებების გაკეთება მოუწევთ.