მადრიდის "რეალის" მარცხენა მცველმა, მარსელომ "ელ კლასიკოს" დასრულების შემდეგ ჟურნალისტებთან ისაუბრა.

"კიდევ ერთხელ დამტკიცდა, რომ უმაღლესი კლასის თანაგუნდელები მყავს. ჩვენ ერთმუშტად შევიკარით და მეტქოე ერთობლივი ძალებით დავამარცხეთ. "ბარსელონა" უძლიერესი კლუბია. დღევანდელი მატჩის გათვალისწინებით კი შეგვიძლია ვთქვათ, რომ ჩვენ უკეთესები ვართ."

"ყველამ ვიცოდით, რომ "ელ კლასიკო" ადვილად არ ჩაივლიდა. თავიდან ძალიან გაგვიჭრიდა თამაშის დალაგება, თუმცა შესვენებაზე ზიდანის დარიგებების მოსმენის და ანალიზის შემდეგ გამოვედით მინდორზე და საუცხოოდ ვიასპარეზეთ. რამდენიმე რეალური შანსი გვქონდა გოლის გატანის, თუმცა არ გაგვიმართლა რიგ შემთხვევებში. საბოლოოდ გამარჯვება მაინც მოვიპოვეთ და მე ამით ბედნიერი ვარ."

"რამოსი მადრიდის "რეალისთვის" ძალიან დიდი ფიგურაა. იგი ყველაფერს აკეთებს გუნდის დასახმარებლად. გადამწვეტ მომენტში მან გარისკა და მეტოქეს იერიში ჩვენს კარამდე არ მიატანინა, სანაცვლოდ კი წითელი ბარათი მიიღო. ეს საქციელი მისი ლიდერული თვისებების მაჩვენებელია"

"მე მცველი ვარ და პირველ რიგში უკან თამაში მომეთხოვება. რა თქმა უნდა, როდესაც საშუალება არის ვცდილობ, ჩემს გუნდს შეტევაშიც მაქსიმალურად დავეხმარო, თუმცა ამ დროს ყოველთვის დაცვაზე ვფიქრობ და ვცდილობ რაც შეიძლება მალე დავბრუნდე ჩემს პოზიციაზე."

Realmadrid.com