მარსელო ვიეირა კატალონიაში დიდი მოტივაციით ჩადის...

რაც არ უნდა გასაკვირი იყოს, ბრაზილიელ ფეხბურთელს „ნოუ კამპზე“ გამარჯვების გემო არასდროს გაუგია, ვინაიდან, როდესაც „რეალი“ კატალონიაში იგებდა, ბრაზილიელი ფეხბურთელი ან სათადარიგოთა სკამზე იყო გამწესებული, ანაც შეხვედრას ტრავმის გამო ტოვებდა.

ვიეირას „ნოუ კამპზე“ 8 შეხვედრა აქვს ჩატარებული, აქედან 6-ჯერ ის დამარცხდა, ორჯერ კი ფრეს მიაღწია.

მას შემდეგ, რაც მარსელომ „ბლანკოსის“ ფორმა მოირგო, „რეალმა“ კატალონიაში 3-ჯერ შეძლო გამარჯვების მოპოვება.

მადრიდისტებს კარგად ახსოვთ ჟულიო ბაპტიშტას გოლი, რომელიც გადამწყვეტი გამოდგა, მაშინ „ბლანკოსმა“ 0-1 იმარჯვა.

შემდეგ იყო ჟოზე მოურინიოს მმართველობა, როდესაც ხედირასა და რონალდუს 2 გოლი, რის შემდეგაც „მერენგებმა“ ჩემპიონის ტიტულის გაინაღდეს.

და ბოლოს. 1-3, რომელიც სამეფო თასზე დაფიქსირდა. მაშინ რონალდუმ დუბლი მიითვალა, ერთი ბურთი კი რაფაელ ვარანმა მოათავსა მეტოქის კარის ბადეში.

მარსელო ბარსელონაში დიდი მოტივაციით მიდის, მას პირველი გამარჯვების მოპოვება სურს.