ესპანურ საინფორმაციო წყაროებზე დაყრდნობით, მადრიდის „რეალი“ უკვე აქტიურად ფიქრობს ზაფხულის სატრანსფერო პოლიტიკაზე...

ხდება სიის ფორმირება, როგორც მომსვლელი, ასევე წამსვლელი ფეხბურთელების.

ნომერ პირველი მიზანი პოლ პოგბა გახლავთ. ფრანგი ფეხბურთელი ზიდანის ფავორიტია. პოლი მუდმივად ამტკიცებს, რომ საკუთარ პოზიციაზე ერთ-ერთი საუკეთესო მოთამაშე გახლავთ.

ახალგაზრდის ფრანგის შეძენა მადრიდის „რეალს“ მინიმუმ 70 მილიონი ევრო დაუჯდება, რაც საკმაოდ დიდი თანხაა.

ამასთანავე ვრცელდება ინფორმაცია, რომ მანჩესტერ „სიტი“ ტონი კროოსის სანაცვლოდ 65 მილიონ ევროს ჩამოდის, ფრანგული „პსჟ“ კი 66 მილიონს, თუმცა უნდა აღინიშნოს, რომ ფრანგები ტონის გაცილებით უკეთეს პირობებს სთავაზობენ.

ესპანურ პრესაზე დაყრდნობით, პერესი კროოსს აუცილებლად გაუშვებს. მეტიც, მისი წასვლა გარდაუვალია, მაგრამ მხოლოდ იმ შემთხვევაში, თუ „ბლანკოსის“ მაისურს პოგბა მოირგებს. ამ შემთხვევაში „რეალი“ შემოსავალსა და გასავალს შორის სხვაობა უმცირესი იქნება.