რუუდ ვან ნისტელროისთან დაკავშირებით დიდი აჟიოტაჟია ატეხილი, ჰოლანდიელი ფორვარდით ბევრი კლუბი გამოთქვამს დაინტერესებას, "ვან გოლს" რეალში საქმეები კარგად აღარ მისდის და დიდი შანსია წავიდეს ესპანეთიდან...

რუუდის შეძენით ყველაზე მეტად ინგლისური კლუბები არიან დაინტერესებულნი, განსაკუთრებულად აქტიურობს სტოკ სიტი, რომელიც ყველანაირად ცდილობს მოელაპარაკოს პრეზიდენტს და ხორხე ვალდანოს, ჯერჯერობით შედეგი არ ჩანს მაგრამ დღე არ გავა უცხოურ პრესაში რამე ახალი ინფორმაცია არ დაიწეროს.

როგორც ჩანს ნისტელროი დატოვებს სამეფო გუნდს რადგან მას მართლაც საერთოდ არ აქვს სათამაშო პრაქტიკა, რაც დრო გადის , ჰოლანდიელის კონდიცია უარესობისკენ მიდის. დღევანდელი ინფორმაციით, ფორვარდი შეიძლება ჰოლანდიაში გადაბარგდეს, როგორც Holland News Sport - იუწყება, პსვ ეინდჰოვენი დაინტერესებულია მისი შეძენით და ხელმძღვანელობა მზად არის მადრიდულ მხარესთან მოლაპარაკების დასაწყებად.

თავად ფეხბურთელი არცერთ დაინტერესებასთან დაკავშირებით არ აკეთებს კომენტარს, იგი მხოლოდ იმით შემოიფარგლება, რომ უარს ამბობს ჟურნალისტებთან საუბარსა და რაიმეს განმარტვაზე. ექსპერტთა აზრით ნისტელროის შეძენის ყველაზე მეტი შანსი მართლა ჰოლანდიურ კლუბს აქვს, რადგან "ვან გოლი" ყოველთვის იძახდა, რომ კარიერის დასრულება სამშობლოში სურდა.

ასევე შეიძლება ითქვას, რომ ფორვარდი უმაღლესი დონის ჩემპიონატიდან , შედარებით დაბალი დონის ჩემპიონატში ამოყოფს თავს, მიეცემა მეტი პრაქტიკა და შეძლებს თავის უკეთ წარმოჩენას და მსოფლიო ჩემპიონატზე გამგზავრებას. ახლანდელი მონაცემებით ნისტელროი არ მოისაზრება ჰოლანდიის ნაკრების წევრად, სამხრეთ აფრიკაში წასასვლელად მას მოუწევს გოლების გატანა და უმაღლეს დონეზე თამაში, ამის მოხერხება მადრიდში უკვე ძალიან რთული ხდება, სამშობლოში კი ხელმისაწვდომი.