ბელგიის ტერაქტებით მთელი ევროპა შეშფოთებულია, ახლა კი რისკის ქვეშ მადრიდიც დადგა...

ესპანეთის დედაქალაქში, ულტრამემარჯვენე აქტივისტებმა ქალაქის უდიდეს მეჩეთს სასიგნალო მაშხალები ესროლეს.
ამის შესახებ გამოცემა The Spain Report-ი იტყობინება. აქტივისტებმა მეჩეთთან პლაკატი ჩამოკიდეს წარწერით - “დღეს ბრიუსელი, ხვალ მადრიდი?” , თვითერის მიკრობლოგზე კი დაწერეს, რომ ეს რადიკალური ისლამის წინააღმდეგ მიმართული აქცია იყო.

მომხდარ ინციდენტს უკვე გამოეხმაურა მადრიდის მერია.

" სხვადასხვა რელიგიის წარმომადგებლის ერთობლივი თანაცხოვრება, ჩვენი ქალაქის უსაფრთხოების საფუძველია. ჩვენ ყველა ერთად ვებრძვით ტერორიზმს” - ნათქვამია ქალაქის მერიის მიერ გავრცელებულ განცხადებაში.

ინფორმაციას საქართველოში ავრცელებს : NewPosts.Ge