ბრაზილიელმა დანილომ ანდალუსიელთა წინააღმდეგ ძალიან ეფექტურად ითამაშა. განაპირა მცველმა შეხვედრა შეაფასა...

„საკუთარი თამაშით კმაყოფილი ვარ. ვცდილობდი, ზიდანის დავალებები სრულფასოვნად შემესრულებინა.“

„გუნდმა ბრწყინვალედ ითამაშა. თითოეული ფეხბურთელი შესანიშნავად ირჯებოდა და „სევილიას“ ფეხბურთელებს დიდ პრობლემებს უქმნიდა. მნიშვნელოვანია, რომ „ელ კლასიკოს“ წინ სოლიდური ანგარიშით გავიმარჯვეთ და საკუთარი ძალები ვირწმუნეთ.“

„ძნელია ახსნა იმისა, თუ რატომ გვიჭირს გასვლაზე თამაში, მაგრამ ამ მიმართულებით მუშაობას განვაგრძობთ.“

„თუ კატალონიის „ბარსელონასთან“ მოვიგებთ, ეს იქნება დიდი მოტივაცია. „ნოუ კამპზე“ გამარჯვება შეგვიძლია, მთავარია თავდადება.“

„მსურს, ზიდანის მოთხოვნები ბოლომდე დავაკმაყოფილო. ფრანგ სპეციალისტთან მუშაობა ძალიან მსიამოვნებს.“

„კეილორ ნავასი ბრწყინვალე მეკარეა, მას ერთ-ერთ საუკეთესოდ მივიჩნევ.“