ჩემპიონთა ლიგის კენჭისყრის დასრულების შემდეგ, ემილიო ბუტრაგენიო ნიონელ ჟურნალისტებს შეხვდა და ესაუბრა...

„1/4 ფინალში იოლი მეტოქე არ არსებობს. მადრიდის „რეალი“ მომდევნო პაექრობებს დიდი პასუხისმგელობითა და სერიოზულობით მოეკიდება. „ვოლფსბურგი“ გერმანული კლუბია, ბუნდესლიგელები კი განსაკუთრებული შრომისმოყვარეობითა და თავდადებით გამოირჩევიან. ამ გუნდმა 1/4 ფინალს პირველად მიაღწია, ამიტომ დიდი მოტივაციით ითამაშებს.“

„ფავორიტებად ვითვლებით, მაგრამ სტატუსი გასამართლებელია. ვფიქრობ, გერმანიაში კარგ თამაშს დიდი მნიშვნელობა მიენიჭება. დარწმუნებული ვარ, ყველაფერს ნათელი „ბერნაბეუზე“ მოეფინება, მაგრამ თუ ვოლფსბურგელთა არენაზე წარმატებით გამოვალთ, სახლში მშვიდად ვიასპარეზებთ.“

„მეტოქე ფანტასტიურ ფეხბურთს თამაშობს და ყოველთვის აგრესიულია. არ დაგვავიწყდეს, რომ გერმანელებმა ჯგუფურ ეტაპზე უდიდეს კონკურენციას გაუძლეს და უმძიმესი მატჩების შემდეგ 1/8 ფინალში აღმოჩნდნენ, სადაც ასევე დამაჯერებელი შთაბეჭდილება დატოვეს.“

„ძალიან მნიშვნელოვანია, რომ გუნდის ლაზარეთი დაცარიელდა და ზინედინ ზიდანს ყველა მოთამაშის გამოყენება შეუძლია.“