გავრცელებული ინფორმაციით, ხოსეპ გუარდიოლა ზაფხულის სატრანსფერო ფანჯრის დროს დიდი ფულის დახარჯვას გეგმავს...

როგორც სჩანს, პეპი ინგლისში გადატრიალებას გეგმავს. ესპანელ სპეციალისტს სურს, რომ „სიტის“ სათამაშო ფილოსოფია რადიკალურად შეცვალოს, აქედან გამომდიანარე, მას სჭირდება ისეთი ფეხბურთელები, რომლებიც გარდატეხას შეიტანენ.

ტონი კროოსი და ისკო ალარკონი - ფეხბურთელები, რომლებიც პეპის ინტერესთა არეალში მოექცნენ. ინგლისურ გამოცემებზე დაყრდნობით, „ბაიერნის“ ამჟამინდელი მწვრთნელი მადრიდის „რეალის“ ორი ფეხბურთელის სანაცვლოდ 110 მილიონი ევროს გადახდას გეგმავს.

თავის მხრივ, მადრიდში ისკოს საკითხი ბუნდოვანია. ვრცელდება ინფორმაცია, რომ ალარკონი ან ხამეს როდრიგესი კოლექტივს დატოვებს.

რაც შეეხება ტონი კროოსს, გერმანელი ფეხბურთელი შესანიშნავად ასპარეზობს, მაგრამ ესპანეთის დედაქალაქში აცნობიერებენ, რომ გუნდს სჭირდება ჩამშლელი ნახევარმცველი, რომელიც ლუკა მოდრიჩს შეუწყვილდება, ამ შემთხვევაში კი ტონის ადგილი მხოლოდ სათადარიგოთა სკამზე სჩანს, მოვლენების მსგავსი განვითარება კი ახალგაზრდა შუახაზელის გეგმებში არ შედის.

100 მილიონი ევრო საკმაოდ დიდი თანხაა, თანაც იმ ფონზე, რომ „მერენგები“ ზაფხულში დიდ აქტიურობას და საკმაოდ სოლიდური თანხის დახარჯვას გეგმავენ.