მადრიდის „რეალის“ ფეხბურთელები „ლას პალმასთან“ მატჩისთვის მზადებას აგრძელებენ...

„რომასთან“ ჩემპიონთა ლიგის მატჩის შემდეგ, ზინედინ ზიდანის გუნდმა მეორე ვარჯიში გამართა.

აღსანიშნავია, რომ კოლექტივთან ერთად კვლავაც სრულ დატვირთვას იღებს ბორხა მაიორალი.

ვარჯიშზე ძალიან სასიხარულო ფაქტი დაფიქსირდა. კარიმ ბენზემა გუნდს შეუერთდა, თუმცა სრული დატვირთვა არ მიუღია, ის ზიზუსგან ინდივიდუალურ დავალებებს იღებდა.

წინასწარი ინფორმაციით, კარიმი „ლას პალმასთან“ ვერ ითამაშებს, „სევილიასთან“ დაპირისპირებისთვის კი მზად იქნება.

მთავარმა მწვრთნელმა ყურადღება შეტევითი პოტენციალის გაზრდაზე, ბურთის ფლობასა და კარში სწორად დარტყმაზე გაამახვილა.

შემდეგი სესია ხვალისთვის ჩაინიშნა, რომელიც დასკვნითი იქნება.

„რეალი“ ლა ლიგის მომდევნო ტურს კვირას, 23 საათსა და 30 წუთზე ითამაშებს.