ბორხა მაიორალი პირველად მოხვდა მადრიდის "რეალის" ძირითადი გუნდის სასტარტო შემადგენლობაში. მატჩის დასრულების შემდეგ მან განაცხადა, რომ კრიშტიანო რონალდო მას ძალიან ეხმარება.

"უზომოდ ბედნიერი ვარ. მე ვთვლი, რომ დღეს მადრიდის "რეალში" ჩემი სადებიუტო გოლი გავიტანე, მართალია ძელიდან ასხლეტილი ბურთი მეკარეს მოხვდა და შემდეგ კარში შეგორდა, თუმცა ამას მნიშვნელობა არ აქვს. გატანილი ბურთი ავტოგოლად ჩაითვალა, თუმცა ის მე მაინც ჩემად მიმაჩნია. აგრეთვე უზომოდ ბენდიერი ვარ იმ ფაქტით, რომ მადრიდის "რეალის" ძირითადი გუნდის სასტარტო შემადგენლობაში მოვხვდი. ეს ჩემთვის ყველაფერია."

"როდესაც ზიდანი მოვიდა და მითხრა, რომ ძირითად შემადგენლობაში მომიწევდა თამაში, ყურებს არ ვუჯერებდი. უფრო მოტივირებული გავხდი ვარჯიშებზე და მატჩის მიმდინარეობის დროს ვცდილობდი მწვრთნელისთვის იმედები არ გამეცრუებინა. მე "კასტილიას" ფეხბურთელი ვარ და აქ მხოლოდ თანაგუნდელების დასახმარებლად ვარ. როდესაც შანსი მომეცემა ვეცდები ჩემი პატარა წვლილი მაინც შევიტანო გუნდის წარმატებაში."

"მინდა დიდი მადლობა გადავუხადო კრიშტიანო რონალდოს. შეხვედრის დაწყებამდე იგი მოვიდა ჩემთან და მითხრა ისე მეთამაშა, როგორც ეს "ატლეტიკოს" წინააღმდეგ გავაკეთე. დაცვაშიც და შეტევაშიც ჩავრთულიყავი და მეთამაშა გუნდურად."

Realmadrid.com