მიუხედავად იმისა, რომ მადრიდში დიდი ტრავმიანობაა, დღეს „რეალის“ ნახევარდაცვის რგოლში არა კაზემიროს, არამედ კოვაჩიჩს, კროოსსა და ისკოს ელიან, რომელთა წინ ხამეს როდრიგესი ითამაშებს...

გუნდში ზინედინ ზიდანის მოსვლის შემდეგ, ბრაზილიელი ფეხბურთელის საქმე უკან წავიდა. ექსპერტებს კი მიაჩნიათ, რომ კაზე ძალიან დიდ ტალანტს ფლობს და შესაძლებლობების დიდი არსენალი აქვს.

„პორტოში“ თამაშით ბრაზილიელმა დაამტკიცა, რომ ნამდვილად შეუძლია მაღალ დონეზე თამაში.

კაზემიროს რაფაელ ბენიტესი უფრო ენდობოდა, ვიდრე ზიზუ. დღეს კი ფიქრობენ, რომ ბრაზილიელი მეორე ტაიმში მაინც ჩაერთვება თამაშში და შესაძლებლობების დამტკიცების საშუალება მიეცემა.

ამასთანავე უნდა აღინიშნოს, რომ ზიზუს ძირითადი შემადგნელობა ჯერ არ დაუსახელებია, აქედან გამომდინარე არ არის გამორიცხული, ახალგაზრდა ცენტრი სასტარტოშიც ვიხილოთ.