მადრიდის „რეალის“ ფეხბურთელებმა ერთ დღიანი შესვენების შემდეგ, კვირის პირველი ვარჯიში გამართეს...

გუნდი „ლევანტესთან“ შეხვედრისთვის ემზადება. მადრიდელებს „კასტილიიდან“ მარტინ ოდეგარი, მარკოს ლორენტე და ბორხა მაიორალი დაეხმარნენ.

ვარჯიში დაიწყო ერთი შეხებით კომბინაციებით, შემდეგ ყურადღება მოკლე სივრცეში გადაცემებსა და გარკვეული სახის ტაქტიკაზე გამახვილდა.

კარიმ ბენზემა, მარსელო და ბეილი კვლავ აღდგენით პროცესში არიან.

გუნდთან ერთად იყო პეპე, რომელიც „ვალენსიაში“ ძირითად შემადგენლობაში უნდა გამოჩნდეს.