რაც არ უნდა სამწუხარო იყოს, იმის ნაცვლად, რომ ლა ლიგის 26-ე ტურის თავზე, მადრიდის „რეალი“ ჩემპიონობისთვის იბრძოდეს, დედაქალაქელებს მეოთხე ადგილზე მყოფი „ვილიარეალი“ წამოეწიათ...

„ატლეტიკოსთან“ წაგებული მატჩის შემდეგ, „რეალმა“ 54 ქულა უცვლელად დატოვა, „ვილიარეალმა“ კი საკუთარი შეხვედრა მოიგო და 52 ქულას მოუყარა თავი. სხვაობა მხოლოდ 2 ქულას შეადგენს.

ამასთანავე აღსანიშნავია, რომ „ბარსელონასთან“ არსებული ჰანდიკაპი 12 ქულას შეადგენს და ჩემპიონობის შანსი დაკარგულია.

იმ შემთხვევაში, თუ „რეალმა“ შიდა ჩემპიონატი მე-4 ადგილზე დაასრულა, მომდევნო სეზონში ჩემპიონთა ლიგის საკვალიფიკაციო ეტაპის მესამე რაუნდიდან მოუწევს, ევროპის ყველაზე პრესტიჟული ტურნირის საგზურის მოპოვება.