კარლო ანჩელოტიმ საინტერესო საკითხებზე ისაუბრა...

„ვფიქრობ, ზინედინ ზიდანის საქმიანობის შეფასება ამ ეტაპზე წარმოუდგენელია. მეტსადც გეტყვით, ფრანგის შეფასება არც სეზონის ბოლოს შემეძლება. მადრიდის „რეალის“ ხელმძღვანელობამ ფრანგ ლეგენდას მომავალ სეზონში საკუთარი შესაძლებლობების წარმოჩენის საშუალება უნდა მისცეს.“

„ლა ლიგაში ბრძოლა გრძელდება, მაგრამ „მალაგას“ წინააღმდეგ მატჩში დაკარგულმა ქულებმა მადრიდელთა შანსი მინიმუმამდე დაიყვანა. მე პირადად, პრიორიტეტად ჩემპიონთა ლიგას მივიჩნევდი და მაქსიმალურად დავიხარჯებოდი ევროპის ყველაზე პრესტიჟული ტურნირის მოსაგებად, ვინაიდან იქ შანსი მეტია, ვიდრე პრიმერაში.“

„ფლორენტინო პერესის ბრძანებებს არასდროს ვასრულებდი. როდესაც კლუბში მივედი, პრეზიდენტმა სრული ავტონომია მომცა, მე არავისგან ვიმართებოდი, ყველაფერი ჩემი მეთვალყურეობის ქვეშ მიმდინარეობდა. გუნდის მმართველი არასდროს ერევა კოლექტივის საქმიანობაში.“