„ბილბაოს“ მთავარმა მწვრთნელმა, ერნესტო ვალვერდემ ზინედინ ზიდანსა და მადრიდის „რეალზე“ ისაუბრა...

„რაფაელ ბენიტესისა და ზინედინ ზიდანის ფილოსოფია ერთმანეთისგან რადიკალურად განსხვავედება. ჩვენ შევძელით ბენიტესის გუნდთან წარმატებული თამაში, მაგრამ ეს იმას არ ნიშნავს, რომ „ბერნაბეუზე“ ფავორიტები ვართ. ზიზუს ხედვები რადიკალურია, მას უყვარს შეტევა და ბევრი გოლის გატანა.“

„მას შემდეგ, რაც ფრანგმა ლეგენდამ „ბლანკოსი“ ჩაიბარა, „რეალი“ საკუთარ კედლებში ყველა მეტოქეს დიდი ანგარიშით უგებს, ამიტომ ამ სტატისიტკას საგანგაშო სიგნალად მივიღებ და ვეცდები ყურადღებით ვიყო.“

„კრიშტიანო რონალდუს კრიზისი აქვს? ამ მოსაზრებას ვერ დავეთანხმები. არ შეიძლება მოთამაშეს კრიზი ჰქონდეს და ლა ლიგის ბომბარდირობისთვის იბრძოდეს. გასაგებია, რომ „რეალის“ ქომაგები მეტს ითხოვენ, მაგრამ ადამიანები ვართ და არა რობოტები. ვფიქრობ, პორტუგალიელ ფეხბურთელს განსაკუთრებული ყურადღება სჭირდება, სხვაგვარად გოლების გატანა მისთვის პრობლემას არ წარმოადგენს. მიმდინარე სეზონში რონი ხშირად ახერხებდა დუბლებისა და ჰეთ-თრიკის შესრულებას.“