მადრიდის „რეალის“ ფეხბურთელებმა დღეს კიდევ ერთი ვარჯიში გამართეს...

ზიზუს ფეხბურთელები ბილბაოს „ატლეტიკის“ წინააღმდეგ საასპარეზოდ ემზადებიან, რომელიც შაბათს გაიმართება.

აღსანიშნავია, რომ ლუკა მოდრიჩი და დანიელ კარვახალი გუნდს დაუბრუნდნენ. გუშინ ორივე მოთამაშე სპორტ დარბაზში ვარჯიშით შემოიფარგლა.

მარსელო, დანილო, პეპე და გარეთ ბეილი კი აღდგენით პროცესში არიან.

ზიზუმ კოლექტივში რამდენიმე კასტილიელიც გამოიძახა.

ფიზიკურ კონდიციებზე ყურადღების გამახვილების შემდეგ, ფეხბურთელებმა ბურთთან ერთად სხვადასხვა სახის დავალება შეასრულეს.