Goal.Com-ის ინფორმაციით ჩელსის მფლობელი უკმაყოფილოა ედენ აზარის თამაშიდ და მზად არის მიიღოს ნებისმირი შემოთავაზება ბელგიელთან დაკვშირებით. როგორც უკვე მოგეხსენებათ, აბრამოვიჩმა და აზარმა ამ საკითხთან დაკავშირბით დახურულ კარს მიღმა ისაუბრეს.

ესპანელი ჟურნალისტის ედუარდო ინდას მიერ გავრცელებული ინფორმაციის თანახმად, კლუბებს შორის უკვე მიმდინარეობს მოლაპარაკება და ევრო 2016-ის დაწყებამდე აზარი მადრიდის რეალის შემადგენლობაში ჩაირიცხება.

აბრამოვიჩი კი იმდენად იმედგაცრუებული ყოფილა 25 წლის ფეხბურთელით, რომ მზად არის 25 მილიონ ევროდ შეელიოს მას. აქამდე კი აზარის სატრანსფერო ფასი 80 მილიონის ფარგლებში მერყეობდა. ისიც აღსანიშნავია, რომ ეს ფასი ექსკლუზიურად მადრიდის რეალისთვის არის შეთავაზებული, რადგან ფეხბურთელი მხოლოდ მადრიდულ კლუბში გეგმავს კარიერის გაგრძელებას. გავრცელებული ინფორმაციის მიხედვით, აზარმა უკვე უარი თქვა პსჟ-ს შემოთავაზებაზე.

შეგახსენებთ ედენ აზარი დიდი ხნის განმავლობაში ითვლებოდა ზინედინ ზიდანის ფავორიტ მოთამაშედ. აქვე უნდა აღინიშნოს ისიც, რომ ბელგიელმა შემტევმა მიმდინარე სეზონში 22 შხვედრაში მხოლოდ 2 საგოლე გადაცემის გაკეთება შეძლო, გოლი კი ჯერ არ გაუტანია.