ესპანური ABC საკმაოდ საინტერესო სტატიას აქვეყნებს, რომელიც ნეიმარის „რეალში“ გადასვლას ეხება...

მოგეხსენებათ, ბრაზილიელი ფეხბურთელი ფინანსურ მაქინაციებშია გახვეული და მამასთან ერთად ბოლო დროს ხშირად უწევს სასამართლოებში სიარული

ფლორენტინო პერესი კი ბარსელონელის მამას მიმართავს და მოუწოდებს, პირდაპირ გააჟღეროს საკუთარი გეგმები და სურს თუ არა მის შვილს „ბლანკოსში“ გადასვლა.

„დააფიქსირეთ თქვენი პოზიცია“ - სწორედ ასეთი ფლორენტინოს მოწოდება.

„რეალი“ მზად არის, ნეიმარს ყველა პრობლემა მოუგვაროს და წლიურად ხელფასის სახით, 20 მილიონი ევრო შესთავაზოს, რაც იმას ნიშნავს, რომ 6 წლიანი კონტრაქტის გაფორმების შემთხვევაში, ბრაზილიელი ვარსკვლავი 120 მილიონ ევროს მხოლოდ ხელფასის სახით გამოიმუშავებს.

„ბლანკოსი“ მზად არის, კომპრომისზე წავიდეს, ვინაიდან თვლის, რომ ნეიმარში უდიდესი პოტენციალია და ის ადრე თუ გვიან ოქროს ბურთის უპირველესი კანდიდატი გახდება.