როგორც სჩანს, ზინედინ ზიდანს ძალიან მოსწონს ხესე და მას საკმარის სათამაშო დროსაც აძლევს.

მაშინ, როცა გუნდს რაფა ბენიტესი ხელმძღვანელობდა 22 წლის თავდამხსმელს თითქმის არ ეძლეოდა სათამაშო დრო. ზიდანის მოსვლის შემდეგ კი მან უკვე 4 მატჩში მიიღო მონაწილეობა და ერთი შედეგიანი გადაცემის შესრულებაც შეძლო.

დეპორტივოსთან, ბეტისთან, ხიხონთან და ესპანიოლთან ესპანელი სათარიგო სკამიდან შემოდიოდა და ჯამში 101 წუთი ითამაშა. ხესე ერთადერთი ფეხბურთელია, ვინც ზიდანის მიერ გაწვრთნილ 4-ვე მატჩში გამოვიდა სათადარიგო სკამიდან.

ფრანგმა სპეციალისტმა განაცხადა რომ იგი ბედნიერი იქნება თუ რეალის 20-ანი ფორმაში მალე ჩადგება და უფრო დიდ წარმატებებს მიაღწევს. მოგეხსენებათ ხესემ კარლო ანჩელოტის მწვრთნელობის დროს სერიოზული ტრავმა მიიღო რის გამოც თითქმის მთელი სეზონის გამოტოვება მოუწია.