მადრიდის „რეალს“ კეპლერ პეპე მნიშვნელოვან მატჩებში ვერ დაეხმარება...

პორტუგალიელი ფეხბურთელის ტრავმა ძალიან სერიოზული არ აღმოჩნდა, მაგრამ ფაქტია, რომ თებერვლის მეორე ნახევრამდე, უკანახაზელი სრულფასოვან ვარჯიშს ვერ შეძლებს, რაც იმას ნიშნავს, რომ თვის ბოლომდე მისი მოედანზე გასვლა გამორიცხულია.

პეპე ვერ ითამაშებს, სტუმრად „გრანადასთან“, ასევე ვერ დაეხმარება გუნდს „ბილბაოსთან“ უმნიშვნელოვანეს დაპირისპირებაში და რაც ყველაზე მთავარია, ის არ იქნება ჩემპიონთა ლიგის დაპირისპირებაში, რომელსაც ზიზუს გუნდი „რომას“ წინააღმდეგ გამართავს.

ზიდანს კეპლერის ალტერნატივა ვარანის სახით ჰყავს, რომელიც რამოსთან ბრწყინვალე ტანდემს ქმნის, დამატებითი პრობლემების შემთხვევაში კი, მოენდაზე გასვლისთვის ნაჩო მზადყოფნაშია.