მადრიდის "რეალის" ფრანგმა ლეგიონერმა თავის ამჟამინდელ კლუბში 155 გოლის გატანა მოახერხა, რითიც მადრიდული კლუბის ყველა დროის საუკეთესო მეგოლეებს შორის მეათე ადგილზე გადავიდა.

ფრანგმა ფორვარდმა მისი 155-ე გოლი ესპანიოლთან გაიტანა, და "რეალის" ბომბარდირებს შორის ამანსიო ამაროს გაუთანაბრდა.

"რეალის" 9-ანის შემდეგი მიზანი ბუტრაგენიოს შედეგის გაუმჯობესებაა, რომლის ანგარიშზეც 171 გოლია და ცხრილში მე-9 ადგილზე იმყოფება.

კარიმის სტატისტიკა ასეთია : 105 გოლი ლა-ლიგაში, 34 ჩემპიონთა ლიგაზე, 14 კოპა დელ რეიზე ხოლო თითო გოლი კლუბებს შორის მსოფლიო ჩემპიონატზე და ესპანეთის სუპერ თასზე.

ფრანგი წელს შესანიშნავ ფორმაშია, მან 2015-16 წლების სეზონში 21 მატჩში 22 გოლის გატანა მოახერხა, და ლა-ლიგის ბომბარდირთა დავაში მესამე ადგილზე იმყოფება.