მადრიდის რეალს თავდამსხმელმა უკვე 35 მატჩში მოახერხა მეტოქის კარის სამჯერ ან მეტჯერ დალაშქვრა...

ესპანეთის ჩემპიონატის ბოლო ტურში "ესპანიოლთან" რონალდუმ ჰეთ-თრიკი შეასრულა, რაც მის მადრიდულ კარიერაში 35-ე მატჩი აღმოჩნდა, სადაც სამი ან მეტი გოლის გატანა მოახერხა.

"რეალის" ყველა დროის საუკეთესო მეგოლემ ამის გაკეთება ლა-ლიგაში 29-ჯერ, ჩემპიონთა ლიგაზე 4-ჯერ ხოლო კოპა დელ რეიზე 2-ჯერ მოახერხა.

ლა-ლიგის ასეთ 29 მატჩში მან 24-ჯერ შეასრულა ჰეთ-თრიკი, 3-ჯერ 4, ხოლო 2-ჯერ 5 გოლის გატანა შეძლო. ჩემპიონთა ლიგაზე 3-ჯერ შეძლო სამი გოლის გატანა ხოლო ერთხელ 4-ჯერ დალაშქრა მეტოქის კარი. ესპანეთის თასზე კი პორტუგალიელმა თავდამსხმელმა 2-ჯერ შეასრულა ჰეთ-თრიკი.