რობერტ ლევანდოვსკი მადრიდის „რეალის“ პრეზიდენტს, ფლორენტინო პერესს ჩუმად შეუთანხმდა...

კატალონიურ გამოცემებზე დაყრდნობით, 31 იანვარს ფლორენტინო პერესი ყველასთვის მოულოდნელად გამოაცხადებს, რომ პოლონელი ფეხბურთელი „ბლანკოსის“ საკუთრებაა.

Sport-ის ინფორმაციით, „ბაიერნში“ დიდი ქაოსია, ვინაიდან კლუბს ლიდერები ტოვებნე. რობენისა და რიბერის მატარებელმა უკვე ჩაიარა, ისინი კლუბში ვეღარ არიან ისეთივე ეფექტურები, როგორებიც იყვნენ. რობერტ ლევანდოვსკი კი კარიერის პიკშია და გერმანულ კლუბს მისი დათმობა არ სურს, თუმცა წინახაზელი ღიად აცხადებს, რომ ბუნდესლიგის დატოვება აქვს განზრახული.

31 იანვარს ძირითადი ტრანსფერები უნდა შედგეს. ამასთან ერთად ფლორენტინო პერესმა განაცხადა, რომ „ბლანკოსი“ არავის დაიმატებს, თუმცა სიტუაცია სხვა რამეზე მეტყველებს. ვნახოთ შესთავაზებს თუ არა „რეალის“ პრეზიდენტი მსოფლიოს კიდევ ერთ საოცარ ტრანსფერს.