"რომა" ნაჩოს სანაცვლოდ 8 მილიონს იხდის
იტალიური კლუბი "რომა" მადრიდის "რეალის" ფეხბურთელის შეძენას აპირებს.
"რომას" ხელმძღვანელობა ცდილობს სამეფო კლუბის უნივერსალ მცველთან, ნაჩო ფერნანდესთან დაკავშირებას და მოლაპარაკებას. იტალიელები მზად არიან, 26 წლის ესპანელი მცველის სანაცვლოდ 8 მილიონი ევრო გადაიხადონ.
ნაჩო საკმაოდ სტაბილური ფეხბურთელია, თუმცა გუნდში არსებული მაღალი კონკურენციიდან გამომდინარე, იგი თამაშს იშვიათად ახერხებს. "რომაში" მას გარანტირებულ, მუდმივ სათამაშო დროს სთავაზობენ.
ზინედინ ზიდანის ხელმძღვანელობით იგი მინდორზე ჯერ არ გამოსული. მაშინ, როდესაც "რეალს" რაფა ბენიტესი წვრთნიდა, ნაჩოს უწევდა თამაში, რადგან დანარჩენი ფეხბურთელები ტრავმირებულები იყვნენ. მას ყველა პოზიციაზე შეუძლია ასპარეზობა, როგორც დაცვის ცენტრში, ასევე ორივე ფრთაზე. სწორედ ამიტომ იგი არის უნიკალური მოთამაშე და ზიდანი მის გაყიდვას არ გეგმავს. თუმცა "რომას" ხელმძღვანელობა დანებებას არ აპირებს.
Marca.com
- 20 იანვარი 2016
- 2 897
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
