"იუნაიტედს" ხამესი მიჰყავს
მანჩესტერ "იუნაიტედი" სარეკორდო თანხას გამოდის ხამეს როდირგესის სანაცვლოდ.
მოგეხსენებათ, ზინედინ ზიდანმა "დეპორტივოსთან" მატჩში ხამეს როდრიგესი სათადარიგოთა სკამზე დატოვა და მის ნაცვლად სასტარტოში ისკო გამოიყვანა. ვარაუდობენ, რომ ხვალინდელ შეხვედრაში ხიხონის სპორტინგთან კვლავ ესპანელი ნახევარმცველი იქნება ძირითადში. ეს ფაქტი კი უკმაყოფილებას იწვევს კოლუმბიელ ვარსკვლავში და თუ მისი თადარიგში ყოფნა სისტემატიურ სახეს მიიღებს, იგი გუნდს დატოვებს.
როდრიგესის შეძენით უკვა დაინტერესებულია მანჩესტერ "იუნაიტედი". ბრიტანელები მზად არიან ხამესის სანაცვლოდ სარეკორდო თანხა გადაიხადონ. მათ 2014 წელს 83 მილიონ ევროდ შეიძინეს მადრიდის "რეალისგან" ანხელ დი მარია, რომელმაც "წითელი ეშმაკების" რიგებში ძალიან მცირე ხანი გაატარა. ამაზე დიდი თანხა "იუნაიტედს" არასდროს გადაუხდია არცერთ ფეხბურთელში.
რაც შეეხება ხამეს როდრიგესს, სამეფო კლუბმა იგი 2014 წელს გაიფორმა 80 მილიონ ევროდ. "წითელი ეშმაკების" განცხადებით კი ისინი მზად არიან მადრიდის "რეალის" მიერ გადახდილ თანხას კიდევ რამდენიმე მილიონი დაამატონ.
Goal.com
- 16 იანვარი 2016
- 6 192
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.