ტონი კროოსი ზიდანის ერთ-ერთი უსაყვარლესი ფეხბურთელია. გერმანელ ვარსკვლავზე ფრანგ სპეციალისტს დიდი გეგმები აქვს გათვლილი.

კროოსს გასულ სეზონში საკმაოდ კარგი მაჩვენებელი ჰქონდა. მან ნახევარდაცვაში ჩამშლელი ფეხბურთელის ფუნქციები სრულად აიღო საკუთარ თავზე და სწრაფი შეტევების წამოწყებაც დიდებულად გამოსდიოდა. გასულ სეზონში ტონის მიერ გაკეთებული გადაცემები 93% შედეგიანი იყო.

ამ ყველაფრის გათვალისწინებით, 26 წლის ნახევარმცველი ზიდანის უსაყვარლესი ფეხბურთელი გახდა. ფრანგი სპეციალისტი ხშირად აღნიშნავს, რომ კროოსის იმედი მას ყველაზე მეტად აქვს.

ზინედინ ზიდანი: "ტონი მადრიდის "რეალში" სათამაშოდ არის გაჩენილი. გუნდის სათამაშო სტილი იმ დღიდან შეიცვალა, როდესაც კროოსი გადმოვიდა "ბლანკოსში". იმედი მაქვს იგი დიდი ხნით დარჩება სამეფო კლუბში, რადგან იგი ფასდაუდებელი მოთამაშეა."

Marca.com