მადრიდის „რეალს“ ტრანსფერების განხორციელებისთვის ძალიან ცოტა დრო აქვს დარჩენილი. კლუბმა 31 იანვრამდე ყველაფერი უნდა მოაგვაროს, რადგან მომდევნო 2 სატრანსფერო ფანჯრის დროს აქტიურობას ვერ შეძლებს...

ყველა იმაზე ფიქრობს, რომ რესურსის ზრდას პერესი განათხოვრებული ფეხბურთელებით მოახდენს.

არის საუბრები, რომ კოლექტივში დაბრუნდება ფაბიო კოენტრაუ, ასენსიო და ასე შემდეგ, მაგრამ ლუკას სილვა ყველას გადაავიწყდა.

ესპანური მედიის ინფორმაციით, ზიდანი სილვას დაბრუნებაზე არ ფიქრობს, ვინაიდან მოედნის ცენტრში არერთი მოთამაშე ჰყავს, ამასთანავე აუცილებლად უნდა აღინიშნოს, რომ ფრანგი ლეგენდა ინტენსიურად მუშაობს პოლ პოგბას ტრანსფერზე, შეთახმების მიღწევაში კი ცენტრში მოთამაშე ფეხბურთელთა სია კიდევ უფრო გაიზრდება, რაც ლუკასი შანსებს მინიმუმამდე დაიყვანს.

კოლექტივში არის კაზემირო, რომელსაც არც ისე დიდი დრო ეძლევა, მაგრამ მოედანზე გამოსვლისთანავე ამტკიცებს, რომ შესანიშნავად შეუძლია ასპარეზობა.

მოდრიჩი, კროოსი, კაზემირო, კოვაჩიჩი და კიდევ ლუკას სილვა ალბათ მართლაც ზედმეტი იქნება.

დაველოდოთ მოვლენათა განვითარებას.