ინგლისურ მედიაზე დაყრდნობით, მანჩესტერ „სიტი“ ფარ-ხმალს არ ყრის და მზად არის, ისკო ალარკონს საოცნებო პირობები შესთავაზოს...

გარდა იმისა, რომ ინგლისური გუნდი მზად არის, მადრიდის „რეალის“ ახალგაზრდა ნახევარმცველში 50 მილიონი ევრო გადაიხადოს, კლუბი ასევე მზად არის, თავად მოთამაშეც მოხიბლოს საუკეთესო პირობებით.

„სიტის“ ხელმძღვანელობა მზად არის, ალარკონთან 5 წლიან ხელშეკრულებას მოაწეროს ხელი და წლიურად 11 მილიონიანი ხელფასი განუსაზღვროს, რაც იმას ნიშნავს, რომ 5 წელიწადში ისკო 55 მილიონ ევროს გამოიმუშავებს, რაც გაცილებით მეტია იმ ხელფასზე, რასაც ესპანელი მადრიდში იღებს.