მადრიდის "რეალმა" შინ ჩატარებულ მატჩებში გატანილი გოლების საუკეთესო მაჩვენებელი დააფიქსირა.

მიმდინარე სეზონში სამეფო კლუბს სანტიაგო ბერნაბეუზე 47 გოლი აქვს გატანილი. აღსანიშნავია, რომ აქედან 30 ბურთი "თეთრებმა" უკანასკნელ ხუთ საშინაო დაპირისპირებაში შეაგდეს.

ყველაფერი "ხეტაფეს" კარის დალაშქვრით დაიწყო (4-1). ამის შემდეგ "ბლანკოსმა" გამანადგურებელი ანგარიშით სძლია "მალმიოს" (8-0) და "რაიო ვალეკანოს" (10-2). მომდევნო მეტოქე, რომელმაც სანტიაგო ბერნაბეუზე მადრიდული გოლები იგემა, იყო "რეალ სოსიედადი" (3-1) და ბოლოს ზინედინ ზიდანის სადებიუტო მატჩი მთავარი მწვრთნელის რანგში, "რეალის" ფეხბურთელებმა "დეპორტივოს" განადგურებით აღნიშნეს (5-0).

Realmadrid.com