ლუკა მოდრიჩი ზინედინ ზიდანის ფავორიტია. იგი მოხვდა ჩემპიონთა ლიგის სიმბოლურ ძირითად შემადგენლობაში.

კარლო ანჩელოტის მადრიდის "რეალში" ტავკაცობის დროს, მოგეხსენებათ, ზიდანი იყო იტალიელი სპეციალისტის ასისტენტი. სწორედ მაშინ კარლო ანჩელოტიმ ზიზუს სთხოვა მოდრიჩისთვის დაეთმო ყველაზე დიდი ყურადღება და ასეც მოხდა. ფრანგი ლეგენდა მუდამ აძლევდა რჩევებს ხორვატ ნახევარმცველს და მითითებებს აძლევდა.

სწორედ მაშინდელი გაკვეთილების შემდეგ, მოდრიჩი დაიხვეწა და გუნდის ლიდერად ჩამოყალიბდა. დღეს, როდესაც ზინედინი მადრიდის "რეალის" მთავარი მწვრთნელი გახდა, მას უწევს სათამაშო სქემის შემუშვება, რომელიც მორგებული არის ლუკაზე. ხორვატი ფეხბურთელი ზიზუს წამყვანი მოთამაშე და მთავარი იმედია.

2013-14 წლების პერიოდში, მაშინ, როდესაც გუნდმა "ლა დესიმა" (ჩემპიონთა ლიგის მეათე თასი) აღმართა, მოდრიჩი და ზიდანი ხშირად რჩებოდნენ ვარჯიშის შემდეგ საწვრთნელ ბაზაზე და დამატებით სამუშაოებს ასრულებდნენ. კერძოდ, მოკლე და გრძელი პასები, მეტოქის იერიშების მოგერიება და ტაქტიკური სვლები.

Marca.com