როგორც სჩანს, ზინედინ ზიდანს გრძელვადიანი გეგმები აქვს და ეჭვი არ ეპარება, რომ ზაფხულში კლუბში დარჩება და მომდევნო სეზონისთვის მოემზადება...

1) გუნდი უნდა დატოვონ ფეხბურთელებმა, რომელთა საჭიროება აბსოლუტურად არ არსებობს და ეს ცუდად აისახება, რომ კოლექტივის ნაყოფიერ თამაშზე, ასევე ამ მოთამაშეთა მომავალზე.

2) აუცილებელია ნახევარდაცვის გაძლიერება, რაც იმას ნიშნავს, რომ გუნდი ჩამშლელს დაიმატებს. ზიზუს ფავორიტი პოლ პოგბაა.

3) BBC გაცილებით ნაყოფიერი უნდა გახდეს, ამისათვის კი საჭიროა კონკურენციის გაზრდა. „რეალი“ ზაფხულში მინიმუმ ერთ შემტევს აუცილებლად შეიძენს.

4) ზიზუ ფიქრობს, რომ კიკო კასილია სათადარიგოთა სკამზე არ უნდა იჯდეს, რაც იმას ნიშნავს, რომ ზაფხულში კიპერის წასვლის შანსი გაიზრდება.

5) სამეფო კლუბი მარცხენა ფრთაზე სუსტია. მარსელო ვიეირა გენიალურ ფორმაშია და შესანიშნავად ასპარეზობს, მაგრამ მისი არყოფნის შემთხვევაში სათანადო შემცვლელი არ არსებობს, რაც აუცილებლად შექმნის პრობლემებს. გავრცელებული ინფორმაციით, „რეალი“ შვეიცარიელი რიკარდო როდრიგესისთვის იბრძოლებს.

6) ზაფხულში გაყიდული ფეხბურთელებით „რეალმა“ მინიმუმ 100 მილიონი ევრო უნდა მიიღოს.

7) სამეფო კლუბი უნდა გახდეს ერთ-ერთი ყველაზე აქტიური სატრანსფერო ფანჯრის დროს. ზიზუ 200 მილიონის გამოყოფას ითხოვს, ამ თანხით ის შეძლებს საუკეთესო შემადგენლობის შექმნას.