ვანდერლეი ლუქსემბურგომ, ადამიანმა, რომელიც 2004/05 წლების პერიოდში ზიდანს წვრთნიდა, ზიზუს და რონის მომავალ ურთიერთობებზე ისაუბრა.

"დახურულ კარს მიღმა, გასახდელ ოთახში ზიდანი იყო სანიმუშო ფეხბურთელი. იგი ისე იქცეოდა, როგორც გუნდის ნამდვილ ლიდერ შეეფერება. ამ ყველაფერის გათვალისწინებით, კრიშტიანო უნდა შეეგუოს იმ ფაქტს, რომ ფრანგი სპეციალისტი კლუბში დისციპლინას მოითხოვს. რონალდო თავის პირობებს ვერ წააყენებს ვარჯიშის დროს და მან უნდა იცოდეს, რომ ნამდვილი "ბოსი“ "რეალში" ზინედინი იქნება."

"ფეხბურთელი უნდა იყოს თავდაჯერებული და გაწონასწორებული. ნამდვილი ლიდერი გუნდში მეგობრობას უნდა თესავდეს. ამის ნათელი მაგალითია "ბარსელონა" და ლეონელ მესი. იგივე შეგვიძლია ვთქვათ ნეიმარზეც, ისინი ვარსკვლავები არიან, თუმცა ისე იქცევიან, როგორც დანარჩენი სხვა მოთამაშეები."

Marca.com