როგორც სჩანს, მადრიდის „რეალი“ შეტევის გაძლიერებაზე ფიქრობს...

ფლორენტინო პერესს მარკო როისი არ დავიწყებია. გერმანელი ფეხბურთელის მომავალი კვლავაც ბურუსით არის მოცული, მას ხშირად უკავშირებდნენ „ბარსელონას“ და მადრიდის „რეალს“, მაგრამ საბოლოოდ ბუნდესლიგაში დარჩა.

ექსპერტების აზრით, „ბლაგურანა“ მარკოს არ დაიმატებს, ვინაიდან მისი ადგილი კლუბში არ არის. სუარესის, მესისა და ნეიმარის ტრიოს დაშლა ნამდვილად დიდი სისულელე იქნება.

ალბათ ანალოგიურის თქმა შეიძლება BBC-ზეც, მაგრამ ფაქტია, რომ მადრიდული ტრიო მოწოდების სიმაღლეზე ვერ დგას და როისის დამატებით შეტევითი პოტენციალი მნიშვნელოვნად გაიზრდება. მარკოს შეუძლია როგორც რონალდუს, ასევე ბეილის შეცვლა, თუმცა არც ბენზემას შეცვლას ითაკილებს, ვინაიდან ცენტრ-ფორვარდად თამაშის გამოცდილებასაც ფლობს.

როისის ამჟამინდელი ფასი 50-იდან 60 მილიონ ევრომდე მერყეობს.