გავრცელებული ინფორმაციით, მადრიდის „რეალის“ პორტუგალიელი მცველი, კეპლერ პეპე ფლორენტინო პერესთან შეხვედრას ითხოვს...

მოგეხსენებათ, პეპე უკვე ვეტერანთა სიაში გადის და მადრიდის „რეალის“ ფეხბურთელებისგან დიდ პატივისცემას იმსახურებს. უკანახაზელი სერხიო რამოსთან ერთად გუნდის ერთ-ერთი მოტივატორია და გასახდელში დიდი ავტორიტეტით სარგებლობს.

ესპანურ გამოცემებზე დაყრდნობით, პეპეს პრეზიდენტთან გუნდში არსებულ ვითარებაზე სურს საუბარი, თუმცა კომუნიკაცია ერთ-ერთზე უნდა შედგეს, ყოველგვარი მესამე პირის გარეშე.

სავარაუდოდ, „სამიანს“ სურს, პრეზიდენტს დეტალურად გააცნოს გუნდში არსებული ვითარება და მოთამაშეების ბენიტესთან ურთიერთობა.