მადრიდის "რეალის" ფრანგი შემტევის დადებითი სტატისტიკა...

კარიმ ბენზემამ მიმდინარე სეზონი ეფექტურად დაიწყო. ფრანგი ფეხბურთელი თითოეულ პაექრობაში ახერხებდა გოლის გატანას, თუმცა შემდეგ მან ტრავმა მიიღო, რის შედეგადაც თითქმის ორი თვე მოუწია უქმობა. მიუხედავად ამ გარემოებისა, კარიმმა აღებული ტემპი არ დააგდო და მეტოქეთა კარის აღება კვლავაც განაგრძო.

სეზონის დაწყებამდე ბენიტესსა და ფეხბურთელს შორის საუბარი შედგა, სადაც მწვრთნელმა სთხოვა, რომ უფრო კომბინაციური ფეხბურთი ეთამაშა და მინიმუმ 25 გოლი გაეტანა სეზონში. ფრანგი ფეხბურთელი წარმატებით ასრულებს დავალებას. მიმდინარე სეზონში მის ანგრიშზე 15 გოლია, (11– ლა ლიგაში და 4– ჩემპიონთა ლიგა), რაც იმას მოწმობს, რომ კარიმს ყოველ 70 წუთში გააქვს გოლი. აღსანიშნავია, რომ ბენზემა ამ მაჩვენებლით აღემატება მის თანაგუნდელს, კრიშტიანუ რონალდუს (86–ე) და ნეიმარის (106 წუთი).

"რაიო ვალეკანოსთან" შესრულებული ჰეთ–ტრიკით, კარიმს რეალში" 147 გოლი დაუგროვდა. ამდენად, კლუბის ისტორიაში 10 საუკეთესო ბომბარდირში მოსახვედრად ბენზემას მხოლოდ 9 გოლი აშორებს. კარიმ ბენზემას სამიზნე ამანსიოა (155 გოლი).



ინფორმაციის წყარო: Marca.com