მადრიდის „რეალისთვის“ „რაიო ვალეკანოსთან“ დაფიქსირებული 10-2 ძალიან დიდ დატვირთვას ატარებს...

საქმე იმაშია, რომ დედაქალაქურმა კლუბმა დერბიში 1600-ე გამარჯვება დააფიქსირა, მსგავსი შედეგი არცერთ ესპანურ გუნდს არ აქვს, თუმცა „ბლანკოსს“ კატალონიელები, ვალენსიელები, ბასკები და „ატლეტიკოს“ მოთამაშეები მოსდევენ.

მადრიდულმა გუნდმა პირველი გამარჯვება 1929 წლის 10 თებერვალს მოიპოვა, მაშინ „მერენგებმა“ 5-0 დააფიქსირეს. მეასე გამარჯვება კოლექტივმა 1964 წლის 27 დეკემბერს, „სევილიასთან“ დააფიქსირა, ანგარიშით 4-0. მე-1000 გამარჯვება „რეალმა“ 1990 წლის 2 სექტემბერს დააფიქსირა, კასტელონის წინააღმდეგ, 1500-ე გამარჯვება 2012 წლის 31 მარტს, „ოსასუნას“ წინააღმდეგ დაფიქსირდა 1-5, მას შემდეგ სამ წელიწადზე მეტი გავიდა და რაფაელ ბენიტესის კოლექტივმა 10-2 სძლია „რაიო ვალეკანოს“ და 1600-ე გამარჯვება ჩაიწერა აქტივში.