ბენიტესი:„ჟოზეს გათავისუფლება? ვერაფერს გეტყვით“
რაფაელ ბენიტესმა წინასამატჩო პრესკონფერენცია გამართა...
„არაერთ ლიგაში მიმუშავია, სადაც უდიდესი გამოცდილება მივიღე, როგორც პირად, ასევე პროფესიულ დონეზე. მე არ ავყვები სხვების ინტრიგებს, ვინაიდან ჩემი საქმე მაქვს, რომელიც ბევრ ასპექტს შეიცავს. ჩემთვის დიდი პატივია „რეალში“ მოღვაწეობა.“
„როდესაც გუნდი აგებს, ვიკრიბებით და ანალიზს ვაკეთებთ. „ვილიარეალთან“ მარცხის შემდეგ, ბევრ შეცდომაზე ვიმუშავეთ და გამოვასწორეთ კიდეც.“
„მე მხოლოდ იმაზე ვფიქრობ, რომ მადრიდის „რეალი“ ჩემპიონი გახდეს. სამწუხაროა, მაგრამ საკლუბო მსოფლიო ჩემპიონის ემბლემა იანვრიდან აღარ გვექნება, თუმცა ყველაფერი წინაა.“
„დერბიში გულშემატკივრებს შემტევი ფეხბურთი უნდა შევთავაზოთ, მაგრამ დაცვაში სერიოზული ყურადღება გვმართებს, რადგან მეტოქე კონტრ-შეტევებზე ააგებს თამაშს.“
„ქომაგებმა იციან, თუ რამხელა ძალას წარმოადგენენ და რამდენად მნიშვნელოვანია ჩვენთვის მათი მხარდაჭერა. თითოეული „ჰალა მადრიდ“ , ძალიან ბევრს ნიშნავს.“
„ტონი კროოსი ტოპ კლასის მოთამაშეა. გერმანელ მოთამაშეს ხანდახან პოზიციას ვუცვლი, მაგრამ ის მზად არის, გამოწვევები მიიღოს და გუნდს დაეხმაროს.“
„გუნდმა ინტენსივობით უნდა ითამაშოს, ამაზე გუშინდელ ვახშამზეც გავამახვილეთ ყურადღება. მადრიდის „რეალი“ ელფერი ყოველთვის შეტევა და ტემპია.“
„ჩემპიონთა ლიგის ჯგუფურ ეტაპზე ბრწყინვალე შთაბეჭდილება დავტოვეთ, ეს ტურნირი რა თქმა უნდა, პრიორიტეტულია.“
„აუცილებელია, რომ გუნდმა ტემპი არ დააგდოს და 90 წუთის მანძილზე მოწოდების სიმაღლეზე იდგეს. მხოლოდ პირველი ან მეორე ტაიმის კარგად ჩატარება წარმატების საფუძველი არ არის.“
„მოურინიოს გათავისუფლება? ამ საკითხთან დაკავშირებით ვერანაირ კომენტარს ვერ გავაკეთებ.“
- 19 დეკემბერი 2015
- 4 496
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
