ესპანურ გამოცემებზე დაყრდნობით, რაულ გონსალეს ბლანკომ, მადრიდის „რეალის“ პრეზიდენტის, ფლორენტინო პერესის შეთავაზება დაბლოკა...

საქმე იმაშია, რომ „რეალი“ ახალ სპორტულ დირექტორს ეძებს, თანამდებობა უკვე რამდენიმე თვეა ვაკანტურია, ვინაიდან მიგელ პარდესა პირადი განცხადების საფუძველზე გადადგა.

პერესი რამდენიმე კანდიდატურას განიხილავს, მათ შორის არიან ფერნანდო იერო და ფრედრაგ მიატოვიჩი, მაგრამ „მარკას“ ინფორმაციით, ინტენსიური მოლაპარაკებები რაულთან მიდიოდა, რომელმაც პრეზიდენტს უარი უთხრა.

„ელ კაპიტანოს“ ჯერ-ჯერობით ამერიკაში სურს ცხოვრება და განტვირთვა. მან სულ ცოტა ხნის წინ ჩამოკიდა ბუცები ლურსმანზე და დასვენება სჭირდება.

მადრიდში იმედგაცრუებულნი არიან, ვინაიდან რაულის დანიშვნაზე ყველა თანახმა იყო.