პრიმერა დივიზიონის მეთხუთმეტე ტურის დაპირისპირებამდე ერთი დღით ადრე, რაფაელ ბენიტესმა პრესკონფერენცია გამართა.

„რამოსმა სრულად მოიშუშა ტრავმა.დღეს გადავწყვეტთ, დაიწყებს თუ არა სასტარტო შემადგენლობაში თამაშს ესპანელი ფეხბურთელი.“

„ბენზემა და რონალდუ ჩვენი შემადგენლობის მნიშვნელოვანი წევრები არიან.მათ ანგარიშზე უამრავი შედეგიანი დარტყმა ირიცხება.ორივეს სჭირდება მხარდაჭერა.ვფიქრობ, კარიმი უფრო ამბიციური უნდა გახდეს.“

„ყველაფერი კარგად მიდის.გუნდის ფსიქოლოგიური მდგომარეობა მნიშვნელოვნად გაუმჯობესდა.კმაყოფილნი ვართ შედეგებით.„ვილიარეალი“ რთული მოწინააღმდეგეა, თუმცა ჩვენი მიზანია 3 ქულა.“

„ვგონებ, სეზონის ბოლომდე, საკმაოდ უშეღავათო ბრძოლა იქნება გაჩაღებული ტიტულისათვის.“

„ვიცნობ მარსელიონიო, ის შესანიშნავი დამრიგებელია.“

„რასაკვირველია, პეპეს თამაშით არ ვარ გაოცებული, რამეთუ კარგად ვიცი, რა რესურსი გააჩნია მას.ის დიდ სამუშაოს ასრულებს, როგორც მოედანზე, ასევე გასახდელში.“

„ბეილს ლომის წვლილი შეაქვს კლუბის წარმატებაში.უელსელი გოლებითა და ასისტებით ეხმარება თანაგუნდელებს.ხშირად საუბრობენ მისი პოზიციის შესახებ, თუმცა სადაც არ უნდა ითამაშოს, ყოველთვის სასარგებლოა.“

„რონალდუს წარმოდგენები შთამბეჭდავია.მე ყოველთვის მშვიდად ვიყავი და ვამბობდი, რომ კრიშტიანუ კვლავ დაიწყებდა გოლაობას.“

„ბენზემას 100 პროცენტიან მხარდაჭერას ვუცხადებთ.ის დიდებული პიროვნებაა.იმედია, „რეალის“ მაისურით განაგრძობს გოლების გატანას.“

„ვფიქრობ, გუნდი გამოვიდა „კლასიკოს“ ჩრდილიდან.ახლა, „ვილიარეალის“ ძლევა გვმართებს.“

„კლუბმა უკვე გააკეთა განცხადება სამეფო თასთან დაკავშირებით.“

AS