კრიშტიანო რონალდოს "ვილიარეალის" სტადიონზე, "ელ მადრიგალზე" ჩატარებულ ყველა მატჩში აქვს გოლი გატანილი.

სამეფო კლუბი ლა ლიგის მომდევნო ტურში "ვილიარეალს" დაუპირისპირდება. "თეთრების" პორტუგალიელ სუპერ-ვარსკვლავს "ყვითელ წყალქვეშა ნავთან" ჩატარებულ თითოეულ გასვლით შეხვედრაში აქვს გატანილი გოლი.

პირველად რონალდომ "ელ მადრიგალზე" ვილიარეალის წინააღმდეგ ითამაშა 2009 წელს და მათი კარიც სწორედ მაშინ დალაშქრა პირველად. თეთრებმა ის შეხვედრა 0-2 გაიმარჯვეს. შემდეგ სეზონში "ვილიარეალთან" სტუმრად ჩასულმა რონალდომ კიდევ დალაშქრა მათი კარები (0-3). 2011/12 წლების სეზონი.

2013 წელსაც არ დაუტოვებია კრიშტიანოს "ელ მადრიგალი" გატანილი გოლის გარეშე. საერთო ჯამში, რონალდომ ამ სტადიონზე სულ ხუთი შეხვედრა ჩაატარა და ხუთივეში მოახერხა გოლის გატანა. საერთო ჯამში კი ამ ხუთი მატჩის გათვალისწინებით, CR7-ის ანგარიშზე შვიდი გატანილი ბურთი მოგროვდა.

Realmadrid.com