კრიშტიანო რონალდუმ ჟურნალისტებთან საინტერესო საკითხებზე ისაუბრა...

„ზოგადად, არამარტო ფეხბურთში, არამედ ცხოვრებაში შეუძლებელი არაფერია. მე ვფიქრობ, რომ არასდროს შეიძლება რამეზე ხაზის გადასმა. დღევანდელი გადასახედიდან ვფიქრობ, რომ არცერთი წუთით არ მოვირგებ კატალონიის „ბარსელონას“ მაისურს, ასევე ჩემთვის მიუღებელია პრემიერლიგაში დაბრუნება. თუ ინგლისში დავბრუნდი, მხოლოდ „იუნაიტედის“ ფორმას მოვირგებ. კიდევ ერთხელ მინდა ვთქვა, რომ გამორიცხული არასდროს არაფერია.“

„მაქვს იდეა, რომ კარიერა მადრიდის „რეალში“ დავასრულო. დღეს ასე ვფიქრობ და ვთვლი, ხვალ რა მოხდება არავინ იცის.“

„ამერიკაში წასვლა? სიმართლე გითხრათ, ამაზე არასდროს მიფიქრია, მაგრამ ტენდენცია საკმაოდ ხშირი გახდა.“

„დღევანდელი დღით ვცხოვრობ, მაგრამ ეს იმას არ ნიშნავს, რომ წინ არ ვიყურები. მსურს მომავალში წარმატებული ვიყო, სად და როგორ ნამდვილად ვერ გეტყვით, რადგან არ ვიცი.“

„ვიცი, რომ მოვა დღე, როდესაც ბუცების ლურსმაზე ჩამოკიდებას გადაწყვეტ. ამაში საკვირველი არაფერია, ვინაიდან არაერთ ლეგენდარულ ფეხბურთელს დაუსრულებულია კარიერა, ეს ხომ ბუნებრივი მოვლენაა. ფეხბურთი ყოველთვის იქნება ჩემი ცხოვრების უმნიშვნელოვანესი ნაწილი.“