მადრიდის "რეალის" კაპიტანმა ვარჯიშები განაახლა.

დღეს სამეფო კლუბმა დაასრულა ჩემპიონთა ლიგის მატჩისთვის მზადება. როგორც მოგეხსენებათ, "თეთრების" მომდევნო მეტოქე "მალმიო" იქნება. რაფა ბენიტესმა დღევანდელ სესიაზე თავისთან უხმო კასტილიელ ფეხბურთელებს: მარკოს ლიორენტე, ოდეგარი და ბორხა მაიორალი.

აღსანიშნავია, რომ მადრიდელთა სასიხარულოდ, გუნდს დაუბრუნდა კაპიტანი სერხიო რამოსი, რომელმაც რამდენიმე შეხვედრა დაზიანების გამო გააცდინა. მან უკვე თანაგუნდელებთან ერთადაც ივარჯიშა და ნელ-ნელა ძალ-ღონეს იკრებს. რაც შეეხებათ, რაფაელ ვარანს და დანი კარვახალს, ისინი განაგრძობენ სარეაბილიტაციო კურსს.

Realmadrid.com