ხამეს როდრიგესის მეუღლემ ფეხბურთელის მდგომარეობაზე მცირე კომენტარი გააკეთა

ოსპინა ჟურნალისტებთან საუბრისას ეცადა, რომ მწვავე განცხადებებისგან თავი შეეკავებინა, მაგრამ მის განცხადებებს შორის ნათლად ჩანს, რომ მისი მეუღლე უკმაყოფილოა კლუბში არსებული მდგომარეობით. მან ასევე აღნიშნა, რომ "სახლში მას მუდმივად ვამხნევებ და ის თავს მშვენივრად გრძნობს."

დანიელამ აღიარა, რომ "სიმართლე ისაა, რასაც სახლში ვლაპარაკობთ, მაგრამ მშვიდად უნდა ვიყოთ, ვიმუშაოთ და ვეცადოთ მუდმივად თავისგან საუკეთესო გამოვწუროთ". ჟურნალისტმა მას ჰკითხა იყო თუ არა მისი მეუღლისთვის წინა წელი წლევანდელთან შედარებით უკეთესი, რაზეც მან უპასუხა:

"ყველა წელი განსხვავებულია და ეხლა ვიცით, რომ ბევრი უნდა ვიმუშაოთ... როგორც ყველა ფეხბურთელს, ხამესსაც უნდა დიდი სათამაშო დრო. ის იმედგაცრუებული როდია, მაგრამ როგორც ნებისმიერი ფეხბურთელი, მას მცირედი იმედგაცრუება მაინც აქვს , როცა არ თამაშობს, მაგრამ ის მშვიდადაა და ფიქრობს, რომ მწვრთნელი მას მისცემს შანსს."

"ნამდვილად ვერ გეტყვით გრძნობს თუ არა თავს იმედგაცრუებულად, უბრალოდ ვიცი, რომ როგორც ყველა ფეხბურთელს, უნდა უფრო მეტი ითამაშოს. არცერთ ფეხბურთელს არ სურს დროის დაკარგვა, მითუმეტეს მაშინ, როცა "მადრიდის რეალში" გამოდიხარ" - აღნიშნა მან.

წყარო: Sport.es