გავრცელებული ინფორმაციით, კრიშტიანო რონალდუმ საკუთარ აგენტს „პსჟ“-სთან მოლაპარაკებების დასერიოზულება დაავალა...

კატალონიურ გამოცემებზე დაყრდნობით, პორტუგალიელ ფეხბურთელს „რეალის“ დატოვება უკვე განზრახული აქვს და სეზონის ბოლოს ის აუცილებლად გამოემშვიდობება სამეფო კლუბს.

ჟორჟე მენდეშსა და რონალდუს შორის დიდი მეგობრობაა, ისინი ყველა გადაწყვეტილებას ერთად იღებენ და პრესასთან ურთიერთობაზეც თანხმდებიან, აქედან გამომდინარე ჟურნალისტებისთვის ამ საკითხთან დაკავშირებით სხვა დეტალები არ ვრცელდება.

ამასთანავე აღსანიშნავია, რომ „შვიდიანის“ კლუბში 2017 წლამდე დარჩენის შემთხვევაში, ფლორენტინო პერესი მის ნაცვლად ვერაფერს მიიღებს, ამიტომ ახალ კონტრაქტზე მხარეები უკვე უნდა მუშაობდნენ, თუმცა ხელშეკრულების გაგრძელებასთან დაკავშირებით ჯერ-ჯერობით არაფერი ისმის.