მიუხედავად წარუმატებელი თამაშისა, ფერნანდო გაგო მაინც არ ამოდის გრანდების თვალთახევდის არედან. ყველაზე მეტად ტურინის "იუვენტუსია" დაინტერესებული არგენტინელი ჩამშლელი ნახევამრცველის შეძენით. როგორც იტალიური ჟურნალი "ტუტოსპორტი" იუწყება, ფერნანდო თანახმაა "ბებერ ქალაბატონში" გადაბარგებაზე.

პოულსენისა და ფელიპე მელოს სრული ფიასკოს შემდეგ "იუვეს" ხელმძღვანელობამ გადაწყვიტა ახალი ნახევარმცველის შეძენა. ამ ორმა ფეხბურთელმა მართლაც საშინლად ჩაატარა სეზონის პირველი ნახევარი და სრულიად გასაგებია მათ მიმართ ასეთი დამოკიდებულება. "ბებერი ქალბატონი" მადრიდის "რეალის" 5–იანის შესაძენად ყველაფერს გააკეთებს.–განაცხადა გუნდის პრეზიდენტმა.

ახალგაზრდა მადრიდისტას სამხრეთ აფრიკაში გასამრთ მსოფლიო ჩემპიონატზე სურს გამგზავრება, მაგრამ ამისთვის სათამაშო დრო სჭირდება, რითიც სამეფო კლუბში ნამდვილად ვერ დაიკვეხნის. გაგოს ძალიან იშვიათად უხდება მოედანზე გამოსვლა. ალბათ სწორიც იქნება ფერნანდოს გუნდიდან გაშვება, მაშინ როდესაც "რეალში" ხაბი ალონსო და ლასანა დიარა ირიცხებიან, ძალიან რთულია გაგოს ადგილი მოძებნო გუნდში. აქედან გამომდინარე, მადრიდიდან გადაბარგება მისთვისვეა უკეთესი.

საწინააღმდეგოს აცხადებს 23 წლის არგენტინელი, მან ასეთი გამოხმაურება მოაყოლა "იუვენტუსის" დაინტერესებას:"მე ნამდვილი მადრიდისტა ვარ, თუ კლუბი თვითონ არ მოინდომებს ჩემს გაშვებას, მე ამ გუნდს არასოდეს არ დავტოვებ. როგორც იქნა შევედი ფორმაში და ასეთ დროს გუნდის დატოვება ძალიან ცუდად იმოქმედებს ჩემს მომავალ კარიერაზე." ფერნანდოს ბედი სულ რამოდენიმე კვირაში გაირკვევა...


ინფორმაციის წყარო: Defensacentral.com

ავტორი: Kevlisha