დიახ დიახ! სტატიის სათაური არ გეჩვენებათ. ალბათ ბევრისთვის წარმოუდგენელია რონალდო მწვრთნელის რანგში, მაგრამ არა Goal.com-ს ჟურნალისტებისთვის.

დღეს ცნობილმა გამოცემა Goal-მა გამოაქვეყნა ბენიტესის წასვლის შემთხვევაში, მისი შესაძლო შემცვლელების სია.

პირველი ვინც ამ სიაში მოხვდა, ეს იყო მაურისიო პოჩეტინო, ლონდონის "ტოტენჰემის" იტალიელი თავკაცი. თეთრები წელს საკმაოდ კარგად გამოიყურებიან და პირველი ტურის შემდეგ მარცხი არ აქვთ. გარდა ამისა რეალის ურთიერთობა ტოტენჰემთან საკმაოდ დიდი ხანია გრძელდება და სწორედ ამიტომ, არაა გამორიცხული პოჩეტინომ რაფა ჩაანაცვლოს მთავარი მწვრთნელის პოსტზე.

შემდგომი ამ სიაში "თეთრების" ყოფილი და ესპანეთის ნაკრების ამჟამინდელი თავკაცი ვისენტე დელ ბოსკეა. მადრიდში "ულვაშა" ძალიან უყვართ, ამიტომაც მისი დაბრუნების შანსი საკმაოდ მაღალია.

ზემოთ ჩამოთვლილების გარდა ამ სიაში კიდევ ისეთი დიდი მწვრთნელები და ყოფილი ფეხბურთელებიც მოხვდნენ, როგორებიც არიან, ანტონიო კონტე, ზინედინ ზიდანი, ვიქტორ ფერნანდესი, კარანკა, მოურინიო და ვილაშ ბოაში.