გავრცელებული ინფორმაციით, მადრიდის „რეალის“ ფეხბურთელებსა და მთავარ მწვრთნელს შორის გაუგებრობაა...

რამდენიმე დღის წინ გავრცელდა ინფორმაცია, რომლის მიხედვითაც მოთამაშეებმა მთავარ მწვრთნელს კატეგორიულად მოთხოვეს, რომ „ელ კლასიკოსთვის“ შემტევი ფეხბურთი ეთამაშათ, მაგრამ ბენიტესი ჯიუტად ცდილობს, რომ ყურადღება ნახევარდაცვისა და დაცვის სიზუსტეზე გაამახვილოს.

ფლორენტინო პერესის ინიციატივით, გუნდის კაპიტანი სერხიო რამოსი, რონალდუ და კარიმ ბენზემა ვახშამზე იქნენ მიწვეულნი, სადაც პერესს გუნდის პოზიცია მოახსენეს. მეტიც, ფეხბურთელებს სურთ, რომ მთავარი მწვრთნელი შეიცვალოს, ვინაიდან მისი იდეოლოგია ძალიან შორს არის „ბლანკოსის“ იდეოლოგიისგან.

კულუარული ინფორმაციით, „ელ კლასიკოზე“ ნაჩვენები თამაში და შედეგი პრეზიდენტის სამომავლო გეგმებზე დიდ ზეგავლენას მოახდენს.

დაველოდოთ მოვლენათა განვითარებას.